ការដែលថាមនុស្សមានក្រុមឈាមនេះឬនោះមានកត្តាកំណត់ចិត្តសាស្ត្រយ៉ាងនេះឬយ៉ាងនោះ ពុំត្រឹមត្រូវទេ ទាំងផ្ទុយនឹងវិទ្យាសាស្ត្រជាពិសេសវិទ្យាសាស្ត្រនៃការអប់រំផង។ នេះជាទស្សនៈបែបហោរាសាស្ត្រដែលគ្មានមូលដ្ឋានវិទ្យាសាស្ត្រឡើយ។ គ្មានការសិក្សាប្រាកដថាមនុស្សលើផែនដីនេះមានប៉ុន្មានភាគរយមានឈាមក្រុម A, B, AB និង O ហើយបណ្ដាអ្នកទាំងនេះនៃពូជសាសន៍ជាតិនិមួយៗ មានប៉ុន្មានភាគរយនៃក្រុមនិមួយៗមានចរិតនិស្ស័យយ៉ាងម៉េចទេ? វាពុំមានការកំណត់ពីធម្មជាតិថាពូជសាសន៍ណាមានក្រុមអ្វីនោះទេ មានតែ haemoglobin ពូជសាសន៍ណាមានក្រុមណាៗ។
វាមានមែនថា ពួកអឺរ៉ុបមានឈាមប្រភេទ - (នៃ A, B, AB, O) ឯពួកអាស៊ីមានឈាមប្រភេទ + (នៃ A, B, AB, O) មានក្រុមឈាមរង (sous groupes) និង facteurs Rhesus ។ ពុំមានទេកត្តាកំណត់ចិត្តសាស្ត្រផ្សេងគ្នានៃក្រុមឈាមនិមួយៗនោះ។
O ជាអ្នកផ្ដល់សាកល donneur universel ឲ្យទៅក្រុមណាក៏បាន រីឯ AB ជាអ្នកទទួលសាកល receveur universel គឺទទួលយកឈាមពីក្រុមណាក៏បាន។ អ្នកក្រុម O បើកាលណាឈឺហើយត្រូវការបញ្ចូលឈាម ពិបាករកឈាមណាស់ព្រោះទទួលយកបានតែពី O ដូចគ្នា ពេល AB ងាយរកបានជាងគេ។
កត្តាចិត្តសាស្ត្របុគ្គលទាក់ទងនឹង ធម្មជាតិកំណើត ទម្លាប់ បុគ្គល គ្រួសារ មជ្ឈដ្ឋានរស់នៅ សង្គម ពូជសាសន៍ វប្បធម៌ សាសនា ការសិក្សាអប់រំ ...
No comments:
Post a Comment